Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 24.208 | Dem. 24.212 (English) | >>Dem. 24.214 |
24.210δεῖ τοίνυν ὑμᾶς κἀκεῖνο σκοπεῖν , ὅτι πολλοὶ τῶν Ἑλλήνων πολλάκις εἰσὶν ἐψηφισμένοι τοῖς νόμοις χρῆσθαι τοῖς ὑμετέροις , ἐφʼ ᾧ φιλοτιμεῖσθʼ ὑμεῖς , εἰκότως · ὃ γὰρ εἰπεῖν τινά φασιν ἐν ὑμῖν , ἀληθὲς εἶναί μοι δοκεῖ , ὅτι τοὺς νόμους ἅπαντες ὑπειλήφασιν , ὅσοι σωφρονοῦσι , τρόπους τῆς πόλεως . χρὴ τοίνυν σπουδάζειν ὅπως ὡς βέλτιστοι δόξουσιν εἶναι , καὶ τοὺς λυμαινομένους καὶ διαστρέφοντας αὐτοὺς κολάζειν , ὡς εἰ καταρρᾳθυμήσετε , τῆς φιλοτιμίας τε ταύτης ἀποστερήσεσθε καὶ κατὰ τῆς πόλεως δόξαν οὐ χρηστὴν ποιήσετε .
24.211καὶ μὴν εἰ Σόλωνα καὶ Δράκοντα δικαίως ἐπαινεῖτε , οὐκ ἂν ἔχοντες εἰπεῖν οὐδετέρου κοινὸν εὐεργέτημʼ οὐδὲν πλὴν ὅτι συμφέροντας ἔθηκαν καὶ καλῶς ἔχοντας νόμους , δίκαιον δήπου καὶ τοῖς ὑπεναντίως τιθεῖσιν ἐκείνοις ὀργίλως ἔχοντας καὶ κολάζοντας φαίνεσθαι . οἶδα δὲ Τιμοκράτην , ὅτι τὸν νόμον εἰσενήνοχε τοῦτον οὐχ ἥκισθʼ ὑπὲρ αὑτοῦ · πολλὰ γὰρ ἡγεῖτο πολιτεύεσθαι παρʼ ὑμῖν ἄξια δεσμοῦ .
βούλομαι τοίνυν ὑμῖν κἀκεῖνο διηγήσασθαι , ὅ φασί ποτʼ εἰπεῖν Σόλωνα κατηγοροῦντα νόμον τινὸς οὐκ ἐπιτήδειον θέντος . λέγεται γὰρ τοῖς δικασταῖς αὐτὸν εἰπεῖν , ἐπειδὴ τἄλλα κατηγόρησεν , ὅτι νόμος ἐστὶν ἁπάσαις , ὡς ἔπος εἰπεῖν , ταῖς πόλεσιν , ἐάν τις τὸ νόμισμα διαφθείρῃ , θάνατον τὴν ζημίαν εἶναι . ἐπερωτήσας δʼ εἰ δίκαιος αὐτοῖς καὶ καλῶς ἔχων ὁ νόμος φαίνεται ,
24.212
Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 24.208 | Dem. 24.212 (English) | >>Dem. 24.214 |